Published: Sunday, June 12, 2022 16:26
Министерката за одбрана која беше дел од владината делегација на литургијата во Фанар на својот ФБ профил напиша меѓу другото дека добиле ветување дека целиот процес со доделување на томос за автокефален статус на нашата црква ќе се случел многу наското. Еве што уште напиша Петровска на ФБ.
Нашата Охридската Архиепископија која е столб на национален идентитет, официјално е примена во канонско единство во сеправославниот христијански свет!
Со заедничкото денешно богослужење и врачувањето на актот за прифаќање во литургиско единство од Вселенскиот Патријарх на Архиепископот г.г. Стефан е направен голем исчекор до добивање на Томос за целосна автокефалност и благодариме за поддадената рака. Благодарност и за оддадената чест на премиерот, Димитар Ковачевски, на литургијата да го прочита Симболот на верата во име на македонскиот народ, на македонски јазик, како потврда за нашата македонска посебност и идентитет. Честитки до Архиепископот г.г.Стефан, Светиот Архиерејски Синод на нашата Црква, верниците и сите граѓани од државата.
Овде во седиштето на Вселенската патријаршија добивме уверување дека целиот процес на признавање на автокефалноста наскоро ќе заврши со потпишување на Томосот од Вселенскиот Патријарх г.г.Вартоломеј.
Благодарение на Одлуката на Вселенскиот патријарх г.г Вартоломеј и потоа нејзино прифаќање од СПЦ се прекина повеќедецениската сестрана изолација и етаблирање на нашата возобновена Охридска Архиепископија како рамноправен меѓународен ентитет во православната екумена што е голем успех на нашата Црква, народот и државата.