ВМРО-ДПМНЕ не е поместена ниту милиметар од режимската и насилничка матрица. Сосем малку им требаше да продолжат онаму кај што ги запревме во 2016 година – После првиот изборен круг, членови и активисти на ДПМНЕ продолжија да се закануваат со насилство кон граѓаните кои не се дел од оваа партија, истакна пратеничката на СДСМ, Славјанка Петровска.
-За тоа доказ се и фотографиите зад мене – ова се само мал дел од заканите кои членовите на ВМРО-ДПМНЕ јавно ги испраќаат, а за кои сведочат граѓаните секојдневно на социјалните мрежи. Еве дел од нивата содржина: „Ајде во втор круг со ново мнозинство и да ги гониме по улици како шинтери џукели“, „Ти се бројат деновите гаде предавнички“, „Гробови да ви се отворат“, „Мора ја снема оваа чума“, „Живи да ги закопаат“, истакна Петровска.
Таа додаде дека граѓаните сведочат дека во општините каде победиле кандидати на ВМРО-ДПМНЕ, почнале да се прават списоци на луѓе кои се членови или поддржувачи на СДСМ, со најави за некакви наводни одмазди.
-Синоќа во Вевчани лице од личното обезбедување на Христијан Мицкоски влегло во угостителски објект, легитимирало и се заканувало кон присутните гости. Така правеше и обезбедувањето на Никола Груевски – влегуваше во телевизии и бараше од камерманите и новинарите да бришат видеа и фотографии на кои се гледа Груевски. Така правеше полицијата на МВРО-ВМРО кога вршеше упади по медиуми, кога апсеше студенти по библиотеки. На тој начин убија дете на скопскиот плоштад во 2011 година, кога славеа изборна победа. Кандидатот за градоначалник на ДПМНЕ во Василево физички нападна активистка на СДСМ. Поминаа 24 часа, а осуда од единствената кандидатка градоначалничка Данела Арсова нема. Го поддржувате ли насилството врз жените, госпоѓо Арсовска? Осуда нема ниту од политичката партија ДПМНЕ, затоа што очигледно дека тоа е нивниот старо нов концепт, рече Петровска.