Околу 200 писатели од целиот свет апелираа властите во Кина да ја почитуваат слободата на изразувањето и да ги ослободат десетиците кинески книжевници осудени на затворски казни.
„Не можеме да ги слушаме креативните гласови од Кина, а да не го чуеме молкот на оние кои се со сила замолчани“, пишуваат светски познатите автори во отвореното писмо упатено до Пекинг по повод 3-ти мај, денот на слободата на медиумите.
Помеѓу 195-те потпишани се најдоа и Џон Мајкл Куци, Надин Гордимер, Томас Транстромер и Марио Варгас Љоса.
Писателие побараа ослободување на повеќе од 40 книжевници помеѓу кои и Лио Ксиабо, еден од авторите на Повелбата 08 преку која се инсистираше да заврши политичката доминација на Комунистичката партија.
Ксиабо во 2010-та година беше награден со Нобелова награда за мир.