Организациониот одбор на протестите „СТОП на канцерогеното загадување на Тетово“, испрати отворено писмо до министерот за животна средина и просторно планирање, Абдилаќим Адеми. Организациониот одбор бара од Министерот да одговори на нивните барања кои ги објавија во медиумите и ги искажаа на протестот во Тетово кон крајот на декември минатата година. Во продолжение писмото во интегрална форма:
„Ние, Организационен одбор на протестите „СТОП на канцерогеното загадување на Тетово“, Ви се обраќаме службено со ова отворено писмо да се изнесете во врска со нашите барања кои беа презентирани јавно во средствата за масовна комуникација како и на протестот оддржан на плоштадот „Илириа“ во Тетово на 29.12.2013.
И во оваа прилика ви ги повторуваме нашите барања објаснувајќи ја подетално потребата за нивната имплементација со цел да се заштити од труење овој град заедно со околината каде и вие сами живеете и кој се загадува веќе подолг период.
Уште еднаш ви ги повторуваме барањата зошто сме преморени и разочарани од континуираните преопраки и совети, наместо да преземете конкретни чекори во решавањето на реалниот проблем.
Во продолжение уште еднаш ви ги посочуваме барањата:
1. Владата/Министерството да се произнесе со статусот на исполнување на условите поставено во Оперативниот План за Југохром и воедно да им нареди на сопствениците на Југохром под итно да запрат со работа додека не ги постават соодветните филтери предвидени со спомнатиот документ;
2. Ургентно да се реши случајот со дивите депонии во Полошкиот регион;
3. Заради причината што и домаќинствата се идентифицирани како загадувачи на воздухот бараме од Владата фактурите за струја да се субвенционираат за 33% со цел да се намали употреба на другите средства за греење , како што се дрва и јаглен;
4. Владините и општинските инспекторати за заштита на животна средина да ги казнат, согласно законите, сите физички лица кои илегално ги палат гумите и другите материјали загадувачи во општина Тетово, Теарце, Желини, Јегуновце, Боговиње и Бервеница.
Веруваме дека и вие сметате дека нашите барања се легитимни и ургентно ќе ги рагледате превземајќи конкретни чекори.
Ако продолжите со игнорирање на овој проблем ќе сносите проефесионална и морална одговорност кон сите жители на Полошкиот регион како и на идните генерации“, се вели во писмото на Организациониот одбор на протестите „СТОП на канцерогеното загадување на Тетово“ до министерот Адеми.