Доколку Бугарија, кој под притисок на Европска унија ги замрзна сите работи на изградбата на Јужниот поток додека проектот не ги исполни законските услови на Европската комисија, на крајот се откаже од негова изградба, гасоводот би може да оди по сосема нова траса и да ја заобиколи Србија, пишува рускиот портал Взглад.
Руските медиуми пишуваат дека гасоводот би можел да ја промени трасата и намести да минува низ Бугарија, Србија, Унгарија и Словенија, како што беше првично планирано, да оди за Италија и Австрија, преку Турција и Грција, пишува белградска Политика.
Рускиот претседател Владимир Путин веќе најавил можност за друга траса за Јужниот поток, за време на состанокот со лидерите на светските медиуми на 24 мај, по што турскот министер за енергетика Танер Јулдиз, рече дека Анкара ќе овозможи Јужниот поток да доаѓа до Турција под Црното море.
Руски извори велат дека турската траса не е пожелна не само поради тоа што е многу подолга, туку и дека од таквиот „План Б“ би се загубиле државите преку кои требаше гасоводот да минува, како што се Србија и Унгарија.
Бугарскиот министер за економија и енергетика Васил Штонов наложи да се прекинат сите работи околу Јужен поток додека проектот не ги исполни законските услови на ЕК.
Белградскиот весник Политика наведува дека во четвртокот никој од српските власти не сакал јавно да го коментира „Планот Б“, но повеќето кои се вклучени во целата работа изразиле изненаденост од информациите дека воошто постои план во кој ја нема Србија.
Упатен извор за Политика вели дека Бугарија сега има многу и поголеми проблеми од Јужен поток и дека е сиурно дека нема толку лесто да се откаже од првичната траса, на која Бугарија е главниот јазол од руско-европскиот гасовод.