Скопската „Пластичарска улица“ и утрово е блокирана, во склоп со сите околни сообраќајници поради протестот кој започна синоќа на жителите на улицата.
Присуството на полицијата е зголемено во овој дел од градот. Сообраќајните полицајци се обидуваат да го средат хаосот во сообраќајот, кој е пренасочен преку Железара и Кале.
Поради блокадата сите автобуси кон Чаир, Скопје-Север, Бутел и Радишани се пренасочуваат.
Протестот на локалното население продолжува и денеска и тоа со блокада на надвозникот кај Бит Пазар. Како што соопштија од ЕВН синоќа за НОВА, жителите протестираат поради тоа што останале без струја по дефектот на трафостаницата, која изгоре поради преоптовареност по неконтролираното крадење на струја, а на екипите на ЕВН не им беше дозволено да го средат проблемот.