Денешниот модел на ВМРО не е идеен наследник, ниту револуционерен потомок на ВМРО како што е моделирано во Уставот на Гоце Делчев и Ѓорче Петров напишан непосредно пред востанието, кои во члено 3, недвојбено забележале дека член на Организацијата може да биде секој Македонец, исфрлијќи го дотогашното “секој Бугарин”.
Бошко Нацевски
Некои ашлаци не може да сфатат дека се додека некого и нешто спомнуваш, тоа постои. Што повеќе тоа го повторуваш, па дури и во најмрачна, најгнасна конотација, неговото присуство во свеста на човекот се зацврстува. Четирите букви на партијата на власт, ни од далеку во така грандиозна брјност не се спомнуваат во нивната партиска програма, ниту од трибините за време на изборите, како што тоа го прават некои забегани персони во бладањата и критиките за семакедонска елиминација.
Тие што го изнедрија Македонското револуционерно движење, да почнеме од шестмината солунски творци, од кресненските војсководци, од илинденските корифеи, гемиџиските борци, таа днамитна братија, чии бомби го разорија Солун, а ја измести од стаклените нозе старата европска дама, не беа туѓи маши, како што цинично протураат овие денешни пропагандни трубачи, продадени души, туку беа елитни револуционери, саможртвеници со интелектуално педигре.
Многумина дипломирани или студенти од европските метрополи. Учители, професори, правници, литерати, новинари, свештеници, а не друмски разбојници, ниту пијаници, какви што се обидуваат да ги портретираат овие современи национални саботери и предавници.
Негатори на националната историја, на етно коренот, автентичноста на јазикот и посебноста на културниот израз и препознатлив фолклорен знак. Не беа дворски манекени, ниту бугарски генерали, кои, како што е познато, од прв до последен, додека македонскиот народ крвавеше. тие, заедно со своите војници го преспаа Илинден. Денешниот модел на ВМРО не е идеен наследник, ниту револуционерен потомок на ВМРО како што е моделирано во Уставот на Гоце Делчев и Ѓорче Петров напишан непосредно пред востанието, кои во члено 3, недвојбено забележале дека член на Организацијата може да биде секој Македонец, исфрлијќи го дотогашното “секој Бугарин”.
Критизерите, од анационална, поточно речено туѓинска провиниенција, негирајќи го статусниот и национален знак на денешното ВМРО, всушност работат во интерес на бугарскиот хегемонистички проект, да се негира нејзиниот македонски национален карактер, за да се ампутира безмалку век и повина од столбот на историскиот континуитет на македонската национална историја и да ја фундаментираат фалшивата идеолошка матрица на бугарскиот пропаганден апарат дека нашата идентитетска историја, јазик и култура е зачната како фабрикат на Титова Југославија.
Овие теории на лудаци треба да се дочекуваат на шпицот од обувките, исто како и тие платеници на ѓаволот, кои делуваат за разгром на нашето национално и државно постоење.
Од Фејсбук ѕидот на авторот