„Нека биде јасно – Бугарија не е втората Грција“, изјави бугарскиот претседател Плевнелиев во емисијата „Лице в лице” на Бугарската Телевизија.
Тој истакна дека Бугарија не игра дволично, па сега да молчи, а во текот на преговорите со Македонија да стави вето
Бугарија не води војна, да не зборуваме дека е апсурдна тезата дека ние адресираме некакви внатрешни проблеми со оглед на претстојните парламентарни избори”, рече Плевнелиев.
– Европа во последните години, за жал, не секогаш ги почитуваше правилата. А и многу често проблемите не се посочуваа, не се разгледуваат, не се решаваат. И токму затоа ние сметаме дека одговорната позиција на Бугарија не е сега да молчиме, и во текот на преговорите да се стави вето.
– Напротив, за да бидеме максимално коректни и добронамерни – сега ќе зборуваме.
Ќе го посочиме проблемот, тој беше многу јасно адресиран – добрососедството како критериум, за да бидеме членови на едно исто семејство. Затоа што, ако сакаме сите да бидеме членови на европското семејство значи да ги почитуваме неговите вредности. А една од највисоките вредности е добрососедството како такво ,порачува Плевнелиев.