Бугарскиот претседател Росен Плевнелиев денеска ја именува новата техничка влада на Бугарија, која ќе раководи со земјата до завршувањето на предвремените парламентарни избори закажани за октомври.
За премиер е именуван Георги Близнашки, Екатерина Захариева е вицепремиер за економска политика и министер за регионален развој, како и министер за инвестиционо проектирање, Јордан Христосков вицепремиер за социјална политика и министер за труд и социјална политика, Христо Иванов е вицепремиер за правда, внатрешни работи и безбедност и министер за правда, додека Илијана Цанова е вицепремиер задолжен за управување со средствата од ЕУ.