Од денеска се враќа стариот начин на препишување на рецепти, со тест проба се до 1-ви август кога треба да бидат отстранети сите недостатоци.
Оваа одлука доаѓа по итниот состанок со сите програмерски куќи синоќа, во 18 часот во Министерството за здравство, поради блокирање на системот што доведе до тоа лекарите да не можат да ги упатуваат пациентите на специјалист, а не функционира ниту електронското препишување на рецепти.
>>Од утре се враќа стариот начин на издавање рецепти
>>Се блокира системот- електронските рецепти не функционираат
-Во текот на денешниот ден се забележани неколку маргинални проблеми и за истите би сакале да им се извиниме на сите оние кои поради овие недостатоци имале непријатности во реализацијата на нивните потреби и истите ги реализирале со потешкотии или не успеале воопшто се вели во вчерашното соопштението на Министерството за здравство.
Од Министерството потенцираат дека денеска биле разменти над 1 500 000 податоци, а детектираните проблеми се должеле на неусогаласеноста и неоптимизираноста на програмските пакети на лекарите со софтверот на Министерството за здравство.
-До денешниот ден системот во тест периодот функционирал беспрекорно, но за да можеме да ја имаме вистинската слика за потребите и успешноста на системот, мораше во реално време да се имплементира, при што целиот здравствен систем мораше да го користи, се правдаа во Министерството.
Како што ексклузивно објави НОВА, вчера уште во 7 и 30 часот дошло до блокирање на системот во цела држава со софтверот на Министерството поради што лекарите цел ден ги враќаат разбеснетите пациенти, кои револтирани од ситиуацијата се караат и расправаат со лекарите.
-Што ќе се случи ако некој од пациентите почине. Ние ги враќаме пациентите, а тие дошле затоа што имаат мака, се караме со нив бидејќи не можат да разберат дека има проблем,тие се бесни , изјави вчера за НОВА доктор Фатмир Асани Координатор за примарна здравствена заштита и член на здружението на приватни лекари.