Вашингтон не исклучува посета на Кубанецот Раул Кастро во САД откако дојде до историско доближување помеѓу САД и комунистичкиот режим на Хавана, најави во четвртокот Белата куќа.
Портпаролот на Белата куќа изјави дека оваа посета не е исклучена во иднина и потсети дека претседателот Барак Обама во Вашингтон ги примил лидерите на Кина и на Бурма.
Неколку часа по најавата за ова неочекувано доближување на досега замрзнатите односи на двете земји се најавува и обновување на дипломатските односи помеѓу Куба и САД. Односите на двете земји беа под тензија уште од времето на Студената војна но сега може да очекува и посета на Обама на Куба.
“Немам посебен проект во моментов но да видиме како односите ќе се еволуираат”, изјави Обама во средата на телевизијата АБЦ.
Обама ќе одржи во петок прес конференција во Белата куќа пред да замине на двонеделен одмор со семејството на Хаваи.
Во затоплувањето на односите помеѓу Куба и САД очигледно голема улога одигра и Папата Франциск која започна пред година и половина. Тогаш Обама тајно најавува почеток на разговори со кубанската влада за нормализација на односите и во текот на една посета на Ватикан тој долго се задржа во разговор со Папата Франциск, разговор од кој не протече ниту една информација. Целата операција се одвива во најголема тајност со посредство на Ватикан и Канада. Првиот состанок се одржал во Канада во јуни 2013 година.
Но оваа нормализација на односите нема да биде комплетна се додека не биде укинато американското ембарго кон Куба. Ова ембарго е најстарото на светот и тоа претставува казнена мерка запишана во американскиот закон која трае од 1960 година.
Републиканската партија која сега во САД која има мнозинството во Конгресот предупреди дека ембаргото нема да биде кренато. Дури и демократите предупредија дека за крај на ембаргото е потребно повеќе политичка отвореност на Куба.
Во Куба дисидентите на режимот сметаат дека Вашингтон требал да почека гест на Хавана за почитување на човековите права.
Но, засега на првите чекори на затоплување на односите не им е потребна дозвола на американскиот Конгрес и во моментов се очекува ослободување на економските мерки и разговори за обнова на дипломатските односи. Првите средби се очекуваат во втората половина на јануари 2015 година, по 18 месеци ултра-тајни преговори помеѓу двете страни.