Матичните лекари во наредните две години мора да направат скрининг на нивните пациенти, иако веќе седум години работат на проектот „Реализирање на целите“. Министерството никогаш досега не излегло со податоци колку болести се досега откриени со овој проект.
Од 1-ви сите граѓани на возраст од 14 до 65 години треба да направат превентивни прегледи кај матичните лекари. Станува збор за 1 200 000 луѓе кои спаѓаат во оваа возрасна група, кои ќе треба да направат испитувања со цел превенција и откривање на шеќерот во крвта, зголемено ниво на масти и висок крвен притисок.
-Матичните лекари во наредните две години мора да направат скрининг на нивните пациенти. Младите до 24 години ќе се советуваат како да се хранат и живеат здраво, а кај тие што ќе се открие болеста ќе им се даваат насоки како понатаму и кој специјалист треба да го посети изјави за НОВА др.Лилијана Чолакова Дервишова претседател на Здружението на приватни лекари на РМ.
-Со ова ФЗОМ ќе превзема активна улога во грижата за здравјето на граѓаните, а не само да лекува изјави Маја Парнаџиева Змејкова директорка на ФЗОМ.
Веќе седум години матичните доктори работат на проектот „ Реализирање на целите“ , со кои исто така се врши скенирање на болестите кај населението. Матичните лекари велат дека Министерството за здравство никогаш досега не излегло со податоци колку болести се откриени и колку пациенти заболеле во изминатиот период.
-Нема податоци за овие многу важни работи, за да може понатаму да се крои политиката во здравството во однос на лекувањето и превенцијата велат матични лекари, членови на ова Здружение.