Контроверзниот француски адвокат Жак Верж, чии клиенти ги вклучуваа Карлос Чакалот и нацистичкиот воен злосторник Клаус Барби, почина на 88 годишна возраст, јавува Би-Би-Си.
Г-дин Верж стана познат како “адвокат на ѓаволот” со преземањето на контроверзни и случаи од висок профил.
Тој се сметаше за пријател на Пол Пот, лидерот на Црвените Кмери, кој стои зад камбоџанскиот геноцид. Антиколонијаст и комунист, тој бранеше Алжирци обвинети за тероризам против Франција во 1950 година.
Кристијан Шариер-Бурназел, шеф на главната адвокатска асоцијација на Франција, изјави за агенцијата Франс-прес дека бил информиран од смртта на г-дин Верж “од страна на соработници на адвокатот.
“Тој имаше пад пред неколку месеци, оттогап изгуби многу на телесната тежина и одеше многу бавно. Знаевме дека крајот беше близу, но не знаевме дека ќе дојде толку бргу”, рече тој.
Г-дин Верж е роден во Тајланд, од француски дипломат татко и виетнамски мајка, и порасна на францускиот остров Ла Реунион на Индискиот Океан, каде што се смета дека се стекнал со неговите жестоки антиколонијалистички ставови.
Во Втората светска војна се борел со Францускиот отпор на генерал Шарл де Гол, а подоцна се приклучи на Француската комунистичка партија.
За време на Алжирската војна за независност, тој бранеше Алжирци обвинувани за тероризам против Франција.
Еден од неговите клиенти беше неговата идна сопруга Џамила Буиред, која беше осудена на смрт во 1957 година за поставување бомби во кафулињата во Алжир.