Сер Роџер Мур, најпознат по својата улога како специјалниот агент 007 – Џејмс Бонд, почина на 89 годишна возраст, објави неговото семејство.
Мур го портретираше Бонд во дури седум филмови меѓу кои Live and Let Die и Тhe Spy Who Loved Me.
Мур почина во Швајцарија по кратка битка со рак.
Неговото семејство објави на Твитер дека последните денови од неговиот живот бил под постојана прегратка на неговото потесно семејство.
Роџер Мур е роден на 14.октомври 1927 година во Стоквел, Лондонд како син единец на Лилијан и Џорџ Алфред Мур.
Во 1999 година стана почесен командант на Британската империја и прогласен за почесен витез.
Во 2008 година, ја доби својата ѕвезда на Патеката на славните за неговиот придонес во филмската индустрија.
Во 2012 година во ноември, стана почесен Доктор на уметноста за неговиот придонес во британската кинематографија.