На 85-годишна возраст почина легендата на југословенската кошарка, Ранко Жеравица, кој важи за великан помеѓу кошаркарските тренери во регионот.
Жеравица со репрезентацијата на Југославија освои злато на Светското првенство во 1970 и злато на Олимписките игри во Москва во 1980, а сребро на ОИ 1968 и СП 1967.
Во неговата богата клупска тренерска кариера ги предводел лутите ривали и Партизан и Црвена Звезда, а бил тренер и на Барселона, Пула, Наполи, Сплит, Казерта.
Жеравица во 2007 година е впишан во Куќата на славните на Светската кошаркарска федерација.
Подолго време имал проблеми со срцето, а инфаркт е причината за неговата смрт.