Поранешниот премиер на Израел, Ариел Шeрон, почина на 85 години откако веќе осум години ги помина во кома по ударот кој го доживеа на 4.јануари 2006 година.
Шeрон важеше за гигант во израелската војска и на политичката сцена, во кариерата проследена со контреверзии.
За време на неговата тешка здравствена состојба, тој беше лекуван во Медицинскиот центар Шиба, надвор од Тел Авив. Лекарите во четвртокот најавија дека неговата состојба е влошена.
Според нив, 85-годишниот Шерон, кој стана премиер во 2001 година, страдал од дефект на неколку органи, меѓу кои и бубрезите.
Поранешниот израелски премиер беше во постојана вегетативна состојба од ударот во 2006 година.
Со неговата смрт завршува и еден турбулентен живот. Многу Израелци го сметаат за воен херој кој ја одбранил земјата низ најголемите страдања. Сепак тој е и доста омразен помеѓу Арапскиот свет, поради воените кампањи против палестинските герили во Либан, Јордан и неколку други земји.
Роден како војник, Шерон и се придружува на Хагана, воена организација од подземјето која ги обезбедувала еврејските градови, на само 14 години.
Во раните 50-ти, тој го предводи нападот во Јордан подоцна познат како „Масакрот од Кибја“, каде што загинаа 69 цивили, помеѓу нив жени и деца.
До 1970 година, Шерон и целосно стана дел од политиката. Тој најпрво стана дел од израелскиот Парламент, но во 1973 година, една година потоа – даде отказ. Беше реизбран во 1977 година. Премиер стана на 7.март 2001 година.