Резултатите од тестот за починатата родилка од Охрид се очекуваат во нередните неколку часа, но на ГАК се сметаат дека се работи за сепса, тестот ќе покажае дали имала и Ковид-19. Втората родилка од Куманово која е заразена со коронависрус со влошена здравствена состојба е префрлена на Инфективна клиника
Почина 37 годишната родилка која на Клиниката за гинекологија беше донесена од Охрид со мртов плод во утробата. Таа беше донесена вчера попладне во Скопје со возило на брза помош во висока температура, соопштија од Клиниката за гинекологија и акушерство.
На жената уште веднаш и е направена целосна лабораторија и земен брис за Ковид-19. Лекарите оперативно го извадија плодот, а од стомакот на мајката е евакуиран гној. Можна причина за фебрилноста е септичната состојба на пациентката, но тестот треба да утврди или отфли присуство на коронавирус, велат од ГАК.
„За време на интервенцијата состојбата кај пациентката се влоши при што истата беше интубирана, се пристапи кон целосна реанимација, но за жал во 22.00 е констатирана смрт. Причина за смртта е сепса со масивна тромбемболија, а пациентката ќе биде пратена на обдукација по што ќе има егзактна дијагноза“, информираат од Клиниката за гинекологија.
Се работи за екстремно обезитна пациентка која во последните 5 месеци воопшто не се ни движела, а согласно податоците од докторите во Охрид, пациентката не ги извршувала ни потребните гинеколошки контроли.
Сега починатата родилка е донесена без претходна најава од матичен лекар, без крвна група и оставена пред влезот на Клиниката. По измерената телесна температура, таа е веднаш спроведена на посебен влез до одделението за изолација.
Родилката која е донесена од Куманово заболена со Ковид -19, вчера почнала да развива потешка клиничката слика, отежнато дишење со намален кислород во организмот, по што е веднаш префрлена и хоспитализирана на Клиниката за инфективни болести и фебрилни состојби.
„Пациентката при приемот е без температура, но во својот исказ посочува дека пред 3 дена имала грозница и се пожалила на сува кашлица. Пациентката укажа на тоа и дека нејзиниот свекор, исто така од Куманово, е позитивен на Ковид- 19“, велат на Клиникатаз а гинекологија и акушерство.
Таа била примена на 30 март, второротка е на возраст од 27 години која во 20:15 поради намалена плодова вода и влошена општа состојба е породена со царски рез.
Пациентката е спроведена и породена во изолација, заради фактот што истата како суспектна на Ковид-19 и упатна дијагноза која укажува на намалената плодова e најавена и испратена на Клиниката преку својот матичен лекар. Со родилкаата е постапено по сите протоколи за прием на заразен пациент како во однос на нега и третман, така и во однос на адекватна заштита на персоналот и изолација на пациентот, соопштуваат од ГАК.
„На пациентката освен комплетната лабораторија, земен и е и брис за Ковид- 19 чиј што резултат е стигнат вчера попладне во 18.00 часот и истиот е позитивен на вирусот. Пациентката роди живо машко новороденче кое е недоносено и во моментов се наоѓа на интезнивна нега на ГАК. Новороденчето е изолирано и е во добра општа состојба, не е на машина туку само со кислородна хауба. Денеска на бебето ќе му биде земен брис и направен тест на Ковид-19“, инагормираат од ГАК.
Еден дел од Клиниката за гинекологија и акушерство во Скопје функционира за родилки супсектни и позитивни на Ковид-19. За таа намена е воспоставен целосен протокол на изолација од влез, патека на движење, посебна родилна сала, бокс и тим.
Од Клиниката за гинекологија и акушерство апелираат до сите пациентки кои доѓаат на клиниката да се придржуваат кон сите насоки кои се упатуваат од Министерството за здравство во однос на заштитата на сопственото здравје и околината, но исто така се упатува и апел за целосно и вистинито давање на информации при прием со цел адекватно и навремено превземање на адекватни мерки кои се однесуваат на вашето здравје и безбедноста на здравстевниот персонал.