Првата сопруга на Џон Ленон, Синтија почина вчера на 75-годишна возраст во Мајорка, Шпанија по кратка борба со канцерот – се наведува во соопштението објавен на интернет-страницата на нејзиниот син Џулијан.
Синтија и Џон стапија во брак 1962 година а се разведоа во 1968 година, кога Ленон стапи во врска со Јапонката Јоко Оно.
– Десет години живеев со човекот кој цел живот беше исклучителна личност, а кој по смртта стана легенда. Бев со него кога „Битлси“ се оформија и тргнаа да го освојуваат светот, со нив ги делев сите подеми и падови и приватниот живот. Покрај Џон поминав 10 највозбудливи години од својот живот. Во тоа време тој беше во врвот на својата креативност. Беше духовит, страствен, искренб и отворен, го сакаше своето семејство и ги сакаше „Битлси“, велеше Синтија.
Ленон во една прилика изјавил дека сите љубовни песни кои ги напишал во раната фаза на „Битлси“ на некој начин биле посветени на Синтија, а веројатна најпозната песна од тој период е „Norwegian wood“.