Грета Фридман, жената во бело која бакнува морнар на њујоршкиот „Тајмсквер“ во фотографијата која го симболизираше крајот на втората светска војна, почина на возраст од 92 години. Нејзиниот син, Џошуа Фридман, соопшти дека починала од напредна пневмонија во четвртокот наутро, а ќе биде погребана до својот починат сопруг на гробиштата во Арлингтон, Вирџинија.
Фирдман беше дел од најпознатите фотографии кои обележаа историски настани во светот в 20 век. Во времето кога е направена оваа фотографија Американците тукушто дознааат дека Јапонците се предале.
Фотографот Алфред Ајсенштад ја направил фотографијата на која униформиран морнар ја бакнува Фирдман на прославата на „Тајмсквер“ за победата над Јапонија.
„Воопшто не го ни видов дека приоѓа, и пред да се освестам, се случи“, вака во 2012, во интервју за телевизиската мрежа СБС, Фридман раскажуваше како се случил бакнежот.
Тие не се познавале, тој едноставно и пришол и ја бакнал. Потоа, таа и морнарот Џорџ Мендоза си заминале на различни страни. Следната недела на насловната страница на „Лајф“ магазинот осамнала фотографијата од нивниот бакнеж.