Во Кривичниот суд во Скопје започна судењето на Здравко Савески и Владимир Куновски, обвинети за учество во демонстрациите кога беше демолирана Народната канцеларија на Претседателот.
Шарената револуција денеска упати повик до граѓаните да дојдат пред Кривичниот суд во Скопје за да побараат ослободување на двајцата членови на Левица Здравко Савески и Владимир Куноски.
– Денес продолжува судењето на Здравко Савески и Владимир Куновски, кои се веќе 45 дена во притворот за тоа што се борци за правда и човекови права. Тие се само дел од целиот прогон против демонстраните кои на улиците секој ден, на начини кои ги знаат, се борат за подобра иднина на сите. Да го изразиме револтот против овај автократски режим кој ги штити криминалците, а ги прогонува слободарите и да им покажеме на нашите другари дека сме тука, дека сме заедно и дека ќе се бориме до крај и ден потоа, стои во повикот на Шарената револуција.
– Нашите другари се 45 дена недозволиво во куќен притвор. Сакаме да им порачаме дека полека, но сигурно одбројуваме. Нашето трпение е при крај затоа што против секоја домашна и меѓународна пракса, нашиве другари се држат во притвор. Отпаднат е и правниот основ затоа што Шарената револуција веќе нема протести. Се надевам дека уште денес ќе биде укинат притворот, рече Димитар Апасиев, член на Левица.
Тој смета дека судиите се соочуваат со страшни политички притисоци и посочи дека Левица ќе бара одговор од јавната обвинителка Снежана Бундалеска и председателот на Кривичниот суд Владимир Панчевски за несовесно работење.
Истото го побараа и од Левица, чии ленови се двајцата, како и ослободување на сите обвинети демонстранти.
Савески предмалку пристигна во Судот од својот дом каде веќе 45дена е во домашен притвор.
Попладне во 18 е закажан протест што же започне пред Специјалното јавно обвинителство.