Втор ден по ред стотина поддржувачи на СДСМ протестираат пред седиштето на опозициската партија незадоволни од најавите на лидерот Бранко Црвенковски дека дефинитивно ќе се повлече од функцијата претседател на СДСМ.
Како што јавува Телма, тие формирале и организациски одбор и најавуваат дека нема да се откажат се до одржувањето на конгресот на 2 јуни. Велат, целото членство стои зад нивниот став дека Црвенковски е единствениот лидер кој може да ја води партијата до победа на наредните парламентарни избори.
– Членството на СДСМ нема да дозволи Бранко да си замине од функцијата. Тој е единствената личност со авторитет и само тој може да ја води партијата, изјави Наум Бурески, член на организацискиот одбор.
Од СДСМ информираат дека Црвенковски и натаму цврсто стои на ставот да не бара уште еден претседателски мандат. Тоа е негова лична одлука, вели генералниот секретар на партијата Андреј Петров.