Бензините од полноќ поевтинуваат за 4.5 денари по литар, додека цената на литар Дизел се намалува за четири денари.
Ова е најновата одлука од Регулаторната комисија за енергетика на редовната седница посветена на корекција на цените на нафтените деривати.
Литар Еуросупер БС-95 ќе изнесува 65.5 денари, додека литар Еуросупер БС-98 ќе се продава по 67 денари.
Еуродизелот ќе изнесува 56 денари по литар, додека цената на екстра лесното масло за домаќинство (ЕЛ-1) ќе биде 44.5 ден.
Мазутот поевтинува за 3.354 денари по килограм, со што новата цена на мазутот М-1 НС изнесува 27.512 ден/кг.