„Си отиде без најава, без да речеш збогум“, поглаварот на МПЦ, архиепископот Стефан, пред државниот врв, свештенството и верниците се збогуваше од упокениот митрополит Кирил.
„Кога се зборува за владиката Кирил, тоа знчи истрајна борба за единството на Македонската православна црква, кога се зборува за владиката Кирил, тоа значи влог во националниот и црковен идентет“, истакна архиепископот Стефан на опелото кое претпладнево се одржува во Соборниот храм „Свети Климент Охридски“ во Скопје.
Владиката Кирил денеска ќе биде погребан во манастирот „Свети Ѓорѓи“ во кумановско Дељадровце.
Во просториите на Синодот отворена е и книга на жалост во која сите граѓани можат да ги запишат своите спомени за митрополитот, соопшти Синодот на МПЦ
Со Полошко-кумановската епархија во следниот период ќе управува архиепископот г.г. Стефан, со помош на викарниот епископ Јосиф Лешочки.
Владиката Кирил беше единствениот беше последниот жив митрополит што присуствувал на собирот на македонските архиереи во 1967 година, кога е возобновена автономијата на Македонската православна црква.