Температурите на северо-истокот на САД паѓаат на рекордно ниво овие денови и се очекуваат минус 50 степени. Снегот и поларните температури веќе предизвикаат смрт на 11 лица од почетокот на оваа година. Авионскиот сообраќај е тотално пореметен а градот Њујорк тешко функционира на вакво време. Во саботата 1300 летови беа одложени а 6000 летови доцнеа.
Снежното невреме кое го доби името Херкул е тест за новиот градоначалник на Њујорк Бил де Бласио кој ја презеде својата функција во средата. Службите за чистење на снегот најавија дека, и покрај употребата на 1700 возила за чистење, Њујорчаните не треба да се надеваат да видат чисти улици бидејќи на јакиот студ солта не успева да го стопи мразот.
Според метеролозите најлошото допрва доаѓа бидејќи се очекуваат температури од -51 степен особено во Минесота и Висконсин. На волку ниска температура кожата може да замрзне во рок од само пет минути, потсетуваат службите за помош.
Градоначалникот на Минесота веќе најави дека училиштата ќе бидат затворени во понеделник за да се заштитат децата.
Слична е состојбата и во Канада каде што тремометарот измери -29 степени во петокот и дури -33 во четвртокот. Според статистиките вака студено време имало во 1968 година каде што термометарот се спуштил на -44 степено на север од Монтреал.