СВР Велес поднесе кривична пријава против полицаецот Д.Ѓ.(1977) од Велес за силување. 36-годишниот полицаец на почетокот на март употребувајќи лажен Фејсбук профил и пратил фотографија со интимна содржина на девојката и и кажал дека има уште една таква слика со неа.
Потоа, Д.Ѓ. и рекол да дојде на улицата „Лазо Трпковски“ во Велес уценувајќи ја дека мора да има интимни (сексуални) односи со него, оти во спротивно сликите што ги поседувал ќе ги објавил во јавност.
Наредниот дин девојката се упатила на посочената улица каде што ја пречекал пријавениот кого го познавала од порано. И рекол да влезе во куќата. Откако влегле внатре пријавениот и ги покажал сликите кои не и ги дал веднаш и ја повикал во другата соба каде и рекол да се соблече на што оштетената одбила. Тој повторно и се заканил дека нема да и ги даде сликите и дека ќе ги објави по што оштетната плашејќи се сликите да не излезат во јавност била принудена да се соблече и да има интимни односи со истиот.
Откако имале сексуален однос пријавениот и ги дал двете слики притоа нагласувајќи и дека не смее на никога да каже ни збор по што ја испратил и таа си заминала.
Но пријавениот и натаму продолжил да ја вознемирува оштетената преку Фејсбук и преку мобилен телефон при што на почетокот на месецов и напишал порака на Фејсбук дека мора повторно да се видат и да имаат односи за време на викендот бидејќи кај него имало уште една, последна слика, со интимна содржина којашто во спротивно ќе ја објавел на фејсбук или ќе ја продадел за пари.
По пријавувањето на случајот Д.Ѓ. е приведен.