Македонските безбедносни сили употребиле шок бомба на границата со Грција за да го стопира бранот мигранти кои сакале да влезат во Македонија, образложуваа МВР, најавувајќи дека ќе следи соопштение во текот на денот.
Ројтерс објави видео на кое се гледа како полицијата употребува “средство за разбивање толпа“ во обид да ги потисне луѓето кои сакаат да влезат во земјава.
Покрај Единицата за брзо распоредување, помеѓу нив и мигрантите кои се од грчката страна на неколку места е поставена и бодликава жица.
Како што најави МВР мигрантите од Сирија, Ирак, Авганистан, ќе бидат упатувани на постоечките гранични премини, а во земјата ќе можат да влезат само оние кои имаат уредна патна документација.
Владата неодамна прогласи кризна состојба на јужната и северната границ, со образложение дека безбедносните сили се пристуни да ја заштитат границата и локалното население.