Стотици специјалци утрово влегоа во плоштадот Таксим во Истанбул, и со употреба на водени топови и солзавец ги растераат демонстрантите, слична акција беше спроведена синоќа и во Анкара.
Полицијата употреби солзавец и испука гумени куршуми принудувајќи ги демонстрантите да се повлечат.
Неколку активисти одговорија со огномет и камења на полицијата која возврати со водени топови.
Отстраните се и транспаренти кои висеа од една зграда со поглед на централниот истанбулски плоштад, на нивно место е поставено турското знаме и знамето со ликот на Мустафа Кемал Ататурк, основачот на секуларната турска држава пред 89 години по распадот на Отоманската империја.
Гувернерот Хусеин Авни Мутлу на својот Twitter профил напиша дека Истанбулската полиција не планира да го загуши протест, туку дека “нивната намера беше да се отстрани знаците и слики на статуата на Ататурк и од Културниот центар, а во блискиот парк Геза нема да чепкаат”.
Во текот на ноќта, турската полиција употреби солзавец во Анкара за да ги растера стотиците демонстранти, кои демонстрираат веќе 12 дена против владата на премиерот Реџеп Тајип Ердоган.
Полицијата за да ги спречи безредијата ја преплавија улиците Тунали Хилми, па сопствениците на ресторани беа принудени да ги затворат своите објекти.
Последниот потег од страна на турската полиција дојде откако премиерот Ердоган се согласи дека ќе се сретне со организаторите на протестите кои почнаа на 31 мај.
До средба може да дојде утре.
Во анти-владините демонстрации во Истанбул, Анкара како и други турски градови загинаа три лица, а беа повредени околу 5.000.