Утре (27.06.2021) по 10 часот на Меѓународниот аеродром во Скопје треба да пристигне пратка од 500.000 вакцини против Ковид 19, кои Министерството за здравство ги купи од кинескиот производител „Синовак“.
Тоа е најголемата пратка на вакцини, а според најавите на министерот за здравство, Венко Филипче, со нив граѓаните ќе почнат да се имунизираат на почетокот од идната недела.
Во земјата вчера пристигнаа и над 100 илјади вакцини од „Фајзер“, преку Ковакс механизмот.