На денешен ден, 28 август се навршуваат точно 50 години од „Маршот на Вашингтон“ и историскиот говор на Мартин Лутер Кинг „Сонувам“, кој и го уништи патот на расната сегрегација и доведе до унапредување на расните односи во САД.
Овој говор се смета за ремек дело кој ја дигна нацијата да ги поддржи еднаквите права за Афроамериканците. Во „Маршот на Вашингтон“ тој 28 август 1963 година учествуваа 250 илјади луѓе, а доктор Кинг говорот го одржа на скалите пред споменикот на Линколн.
Во Вашингтон веќе една недела траат одбележувањата на оваа важна пресвртница, а финалното обраќање на претседателот Обама ќе биде на истото место каде Кинг го одржа незаборавниот говор. Со Обама ќе бидат Џими Картер и Бил Клинтон.
Говорот на Мартин Лутер Кинг тареше 17 инути, а најсилниот дел од него е следниот:
„Ви велам денес, мои пријатели, дека иако се соочуваме со потешкотиите на денешницата и утрешнината, јас се уште сонувам. Тој сон е длабоко вкоренет во американскиот сон. Сонувам дека оваа нација еден ден ќе се разбуди и ќе биде на нивото на своето сопствено верување – во вистината која е очигледна: дека сите луѓе се создадени еднакви.
– Сонувам дека еден ден на црвените ридови на Џорџија синовите на поранешните робови и синовите на поранешните робовладетели ќе седнат заедно на братска маса. Сонувам дека еден ден самата држава Мисисипи, во која владее неправдата еден ден ќе се претвори во оаза на слободата и праведноста. Сонувам дека моите четири деца еден ден ќе живеат во земја во која нема да се суди според бојата на кожата, туку по вредноста на нивната личност.
– Сонувам денеска еден сон… Сонувам дека еден ден Алабама со злосторничките расисти, со нејзиниот гувернер, од чии усни течеа зборовите како “интервенција“ и “анулирање на расната толеранција“…, дека токму таму во Алабама еден ден малите црни момчиња и малите црни девојчиња ќе им подадат рака на малите бели момчиња и девојчиња како на браќа и сестри.
– Сонувам дека еден ден ќе се воздигнат сите долини, секој рид ќе биде смалена, дека нерамните пространства ќе се израмнат, а славата на Господ ќе се открие и секое тело ќе ја почувствува.“