Американскиот државен секретар Мајк Помпео доаѓа да ја одбележи Македонија како дел од јужното крило на НАТО. Со оваа посета завршуваат сите дилеми околу геополитичката иднина на Македонија кои беа ставени на тест со значајни напори на оскурни автократски полтички структури во и надвор од државава. Целта на оваа посета на државиот секретар на САД е да стави јасно до знаење дека политичките влијанија чија цел беше да се промени стратешката насока на Македонија, немаат повеќе маневарски простор.
„За време на посетата на Подгорица и Скопје ќе разговараме за руските напори да се сее раздор во тие држави. Сакаме да ставиме јасно до знаење дека на овие суверени и независни држави и нивните граѓани е да ги донесат своите одлуки за насоката што сакаат да одат, а нивната одлука да бидат членки на НАТО е важна за нив“, рече официјалниот претставник американската администрација.
Во овој контекст претставикот на американската администрација потсети на заговорот за државен удар во Црна Гора во 2016 година, чија цел беше да се запрат процесите во Црна Гора за влез во НАТО.
Црна Гора, сепак, стана 29 членка на Алијансата а една година подоцна и судот им изрече затворски казни на инволвираните во овој заговор.
Според истиот извор Русија, исто така, се обидела да предизвика спротивставување кон Договорот од Преспа, а со цел да се спречи членството во НАТО, чии врати ги отвори поптпишувањето на овој Договор.
Помпео во Скопје ќе оддаде признание за лидерството кое доведе до потпишувањерто на Преспанскиот договор, кој, како што вели претставникот на американската администрација “беше неверојатен чекор кој демонстрираше лидерство и политичка храброст” .
Помпео покрај Македонија и Црна Гора ќе ја посети и Грција, уште една држава која има значителна геополитичка позиција на јужното крило на НАТО.
„Оваа посета е јасна политичка порака дека Македонија станува дел од териоторијата на НАТО што треба да ги обесхрабри сите понатамошни активности во и надовор од државата да се спречат евроатлантските интеграциски процеси на Македонија”, тврди дипломатски извор за НОВА.
Посетата на Помпео воедно ќе испрати порака до Брисел за потребата од зелено светло за старт на преговори како процес кој е силно поддржан од САД.
Сепак, најсилната порака директно или индиректно е до властите во државата за тоа дека во Македонија завршува тридецениската тразиција полна со корупција и полтички игри во интерес на неколку поединци.
Обидите на подземјето од која било политичка провиниенција да корумпира поединци и институции со цел да се спречи правдата, мора да биде јасно дека немаат никаква перспектива.
Членството во НАТО и стартот на преговори за членство во ЕУ, за Македонија значи голема обврска за имплематација на вредностите на кои се темели евроатлатското семејство.
Седнувањето на иста маса со најразвиените, најдемократски и најбогати држави во светот во најмала рака значи дека ќе треба да јадете со нож и вилушка без да грабате со раце од чинијата во која се служи вечерата.