Носителот на кандидатската листа на ВМРО-ДПМНЕ за ИЕ 6, Никола Попоски денеска е во посета на градот Тетово. Средбите со граѓани, носителот Попоски ги започна посета на Здружението на слепи по што продолжи со посета на Здружението на глуви и Здружението на Воени Инвалиди. На средбите тој ги потенцираше реализираните проекти на Владата на Република Македонија предводена од ВМРО-ДПМНЕ за подобрување на квалитетот на живот на овие лица.
Посетата на Тетово, Попоски ја продолжи со средби во АМД Тетово, по штo продолжи во ресторан “Градинка” и гостилница “Визба” каде што разговараше со естрадните уметници и угостителите од Тетово.
Во изјава за медиумите, Попоски го промовираше проектот “Автомати за издавање документи”.
– Во централни локации низ неколку градови ќе се постават автомати каде што граѓаните врз база на електронска идентификација (на пр. со биометриски документ) ќе можат да добијат повеќе услуги и документи од типот на извод од матична книга, имотни листови, документи од Централниот регистар, Царинската управа, Управата за јавни приходи, Катастарот и другите. Автоматите ќе бидат поврзани преку интернет до оние институции што ги издаваат своите услуги електронски. Граѓаните ќе можат преку платежна картичка да ја платат услугата и дополнителни услуги како вода, струја, телефонија итн. Особено ќе бидат корисни во општини каде што нема подрачна единица од централните институции и граѓаните постојано треба да патуваат до најблиската канцеларија-истакна Попоски.
Забелешка: Веста претставува интегрално соопштение од прес центарот на ВМРО ДПМНЕ