Кандидатот на ГРОМ за претседател на државата, Зоран Поповски, во средата одржа митинг во Охрид, а претходно оствари средби со граѓаните на Ресен, Дебарца и Струга, каде порача дека на Македонија и треба нова политичка сила, нова понуда на овие избори која се залага за подобра и достоинствена живеачка на граѓаните во оваа мултиетничка држава.
„На Македонија и треба нова политичка сила, нашата понуда на овие избори е подобра и достоинствена живеачка на граѓаните во оваа мултиетничка држава. Македонија да стане етнички, политички стабилна за да може економски да се развива, само така ќе го тргнеме каменот кој ни е обесен на нога“, порача кандидатот за претседател од ГРОМ, Зоран Попоски.
Тој ја побара поддршката во Охрид за, како што рече, обединување кон решавање на клучните проблеми во државата, сиромаштијата, невработеноста, достоинството, влегување на државата во ЕУ и НАТО и подобар живот.
Со громогласно „да“ одговорија многубројните охриѓани на прашањето на претседателскиот кандидат на Граѓанска опција за Македонија, Зоран Поповски, „дали на Македонија и треба ГРОМ?“ Граѓаните на македонскиот Ерусалим на вечерашниот голем митинг, со овации, аплауз и со скандирање на имињата на кандидатот за претседател и на лидерот на ГРОМ, порачаа дека токму тоа, трета опција, и треба на нашата земја.
– Собрани сме овде за да бидеме дел од големата граѓанска идеја и визија, за сплотени под покривот на Граѓанска опција за Македонија да создадеме иднина за нашата Македонија – порача од говорницата секретарот на Општинската организација на
Претседателскиот кандидат, Поповски на охриѓани им порача дека и како биолог, но уште повеќе како претседател ќе се залага да се сочува богатството на Охрид и на Охридско Езеро.
Поповски, во својот промотивен говор, им ги претстави на граѓаните своите визии за
извршувањето на функцијата претседател. Тој подвлече дека негова цел ќе биде постојано да
биде со граѓаните, да биде нивни гласноговорник и нивни заштитник.
– Ајде да се обединиме и заедно да им кажеме „не“ на стравот и на црните сценарија што се надвиснале над нашата земја – повика Поповски.
Лидерот на коалицијата ГРОМ, за крај, истакна дека Граѓанска опција за Македонија не
сака нејзиниот претседателски кандидат, Зоран Поповски, доколку стане претседател, да
биде продолжена рака на власта ниту, пак, „контраш“, туку претседател на сите граѓани на
државата.