Поранешната претседателка на Врховниот суд на Црна Гора, Весна Меденица, приведена поради сомнение за создавање криминална организација и противзаконско влијание, се обидела да се самоубие во Клиничкиот центар на Црна Гора (КЦЦГ), јавуваат подгоричките медиуми, повикувајќи се на полициски извори.
Според порталот РТЦГ, Меденица моментално е во стабилна состојба.
Црногорскиот јавен сервис додава дека, според информациите со кои располага, Меденица наводно сама се обидела да си го пресече вратот, што било спречено со интервенција на болничкиот персонал и полицајците.
Екс-претседателката на црногорскиот Врховен суд беше уапсена поради злоупотреба на службената должност откако беа објавени записи на нејзиниот син во кои се вели дека ќе ги заштити неговите незаконски зделки со кокаин и шверцувани цигари.
Уапсена е Весна Меденица, поранешната претседателка на Врховниот суд на Црна Гора