По барање на Александар Василевски Нинџа, екс шефот на УБК Владимир Атанасовски попладнево сведочи во Судот.
Тој рече дека го запознал Нинџа во теретана, но не кажа дали Нинџа бил ангажиран во УБК, повикувајќи се на тајност на податоците.
На прашањето на Никола Митрески Кољо дали може да потврди дека се сретнале на 27 април, Атанасовски рече дека не се сеќава.
На прашање на судијката Кацарска каде бил на 27 април, тој рече дека до 18 и 30 бил на работа, а потоа отишол на ракомет. Кога стигнал пред салата, почнал упадот во Собранието од масата. Точно не можеше да се сети каде бил на 27 април и рече дека треба да се прашаат луѓето кои го обезбедувале. Не знаеше да одговори ниту колку пати се среќавал со Нинџа, на што Кацарска коментираше:,,Како беше она, еј моја чудесна Македонија“.
На прашањето на Кацарска што презел како директор на УБК, тој рече дека постапувале согласно оперативната акција во рамки на МВР.
Атанасовски беше доведен од Шутка. Тој беше приведен пред два дена по барање на Обвинителството откако дел од обвинетите го посочија дека го организирал нападот во Собранието.