Посебен режим за движење стапува на сила денеска попладне по 15 часот во делот околу Градскиот стадиуон во Скопје каде вечерва во 20.45 часот ќе се игра фудбалскиот натпревар меѓу репрезентациите на Македонија и Шпанија во рамки на квалификациите за светското првенство. Според она што го објави МВР кон стадионот нема да можат да се приближат ниту пешаците доколку не одат на натпреварот.
Ограничувањето ќе важи за сите улици што водат кон Арената Филип Втори како и по сервисните улици во Градски парк околу фудбалскиот стадион.
-Ограничувањето нема да важи само за возила кои имаат акредитација за движење по горенаведените сообраќајници за влез кон фудбалскиот објект, а во однос на пешаците ограничувањето нема да важи само за лица кои поседуваат карти за гледање фудбалскиот натпревар, се вели во соопштението на МВР.