Веројатно и единствено решение Македонија да може да се приклучи на двата кандидати за влез во ЕУ во 2028 година е за два три месеци Собранието да ги внесе Бугарите во Преамбулата на Уставот и согласно последниот заклучок на ЕУ без било какви други услови земјата да ги почне преговорите за влез во ЕУ. Во меѓувреме Бугарија ќе се спроведуваат парламентарните избори и ќе нема избрано нова Влада. Новоизбраната бугарска Влада, објективно не ќе може во првите неколку месеци евентуално да стави нов услов за продолжување на започнатите преговори.
Тито Беличанец
После оставката на владата на Бугарија и предвремените парламентарни избори, ако Македонија за 3-4 месеци ги внесе Бугарите во уставот и ги почне преговорите за влез во ЕУ, ја има последната шанса за влез во ЕУ во 2028-2030 година.
Европскиот совет на последната седница и стави јасно на знаење на Претседателката на државата и на Премиерот Мицкоски дека нема согласност за менување на Преговарачката рамка и за некој вид институционални гаранции и дека само по внесувањето на Бугарите во Преамбулата на уставот Македонија без било какви дополнителни услови може да ги почне преговорите за влез во ЕУ.
Но и покрај тоа, денес министерот на МНР Муцунски го слушаме дека се плаши зошто земјата нема гаранција дека Бугарија по шест месеци од почетокот на преговорите ќе постави нов услов.
Муцунски покрај одбиеното барање на Македонија за гаранции од Европскиот совет, го дополни со ново барање – остварување на малцинските права на етничките Македонци граѓани на Бугарија.
Ми се наметнуваат две од многуте можни сценарија како понатаму.
Според првото, следи одлагање на почетокот на преговорите за влез во ЕУ во недоглед, зошто се сомневам дека Бугарија на која допрва и престојат нови парламентарни избори, политичката стабилизација и избор на нова влада ќе и треба најмалку една година да завземе став по барањата на Македонија. За кои се покажа дека не постои ниту мала можност Бугарија или од страна на Европскиот совет да бидат прифатени.
Накусо, следи натамошно одлагање на почеток на преговорите за влез во ЕУ и дефинитивно одалечување на уште на неколку нови чекори од Албанија и Црна Гора за влез во ЕУ во 2028-2030 година.
Според второто, веројатно и единствено решение Македонија да може да се приклучи на двата кандидати за влез во ЕУ во 2028 година е за два три месеци Собранието да ги внесе Бугарите во Преамбулата на Уставот и согласно последниот заклучок на ЕУ без било какви други услови земјата да ги почне преговорите за влез во ЕУ. Во меѓувреме Бугарија ќе се спроведуваат парламентарните избори и ќе нема избрано нова Влада. Новоизбраната бугарска Влада, објективно не ќе може во првите неколку месеци евентуално да стави нов услов за продолжување на започнатите преговори. И да стави нов предлог за да ги блокира преговорите, позицијата на Македонија ќе биде битно поволно изменета од онаа во која е сега, без започнати преговори.
Ако евентуално Бугарија постави нов услов со обид да ги блокира започнатите преговори за него ќе одлучува исклучиво Европскиот совет, бидејќи тоа не е билатерално прашање меѓу Македонија и Бугарија, туку прашање на ЕУ за кое решение за продолжување на веќе запичнатите преговори одлучува Европскиот свет според усвоената Преговарачка рамка.
И не само земјата во тој случај во поповолна политичка положба ќе биде и Владата на ВМРО ДПМНЕ бидејќи ќе отпадне тврдењето на опозицијата дека ВМРО ДПМНЕ свесно го одлага почетокот на преговорите.
Од Фејсбук ѕидот на авторот