Противкандидатот Кандидатот за градоначалник на општина Центар од коалицијата „За подобра Македонија“, Владимир Тодоровиќ денеска најави поставување автоматизирани јавни тоалети на територијата на општината.
Неговиот противкандидатот од „Созјуот за иднината“ Андреј Жерновски, на последниот ден од изборната кампања, ги повика граѓаните в недела масовно да излезат на гласање и да му ја дадат довербата.
Кандидатот за градоначалник на Скопје од „Сојузот за иднината“ Јани Макрадули денеска ги повика граѓаните в недела масовно да излезат на гласање и заедно, како што рече, да се изборат визијата за подобро Скопје да стане реалност.
Славчо Чадиев кандидат за градоначалник на Велес од коалицијата „За подобра Македонија“ потсети на неговото дадено ветување дека ќе спроведува коректна, достоинствена и цивлизирана кампања.
Противкандидатoт од „Сојуз за иднината“ Аце Коцевски потенцира дека граѓаните само со еден потег можат да одлучат дали Велес ќе биде град – центар на Македонија што ќе освојува со креативност, со развој и со иднина.
Андреј Петров кандидатот за градоначалник на општина Карпош од коалицијата „Сојуз за иднината“ покрај тоа што ги повика граѓаните во недела да излезат на гласање потсети на дел од својата програма: Би ве повикал да гласате за легализација за 1 евро на балконите и доградбите во Карпош, за 1000 нови вработувања за одржување на објектите за домување, за нов пензионерски дом во Карпош, за нови детски градинки, за запирање на дебармаализацијата на Карпош и изградба на нови зелени површини, за бесплатно паркирање и нови катни гаражи.
Изет Меџити сигурен во својата победа во Чаир порача: Секој од вас слободно, независно и без никаков притисок, ја изразува сопствената волја за тоа кој сака да го раководи во следните четири години. Јавно ве повикувам, на 7 април, масовно излезете во вториот круг на избори и гласајте за вашата политичка опција.
Поактивно вклучување на локалните фирми во инфраструктурното уредување во градот, вети кандидатот за градоначалник на Куманово од коалицијата “За подобра Македонија” Зоран Ѓорѓиевски при денешната посета на фирмите од градежниот сектор во овој регион.
Градење мултиетничко, прогресивно, модерно, европско и напредно Куманово е визијата на кандидатот за градоначалник од СДСМ Зоран Дамјановски кој денеска побара граѓаните задутре масовно да излезат на избори и да му дадат поддршка за уште еден мандат.