Зоран Иванов
Авторитетите, па и политичките, покрај семејтвото и школото се влијателен дел во воспитувањето на младите во заедницата, општеството.
Но кога преку толерантните медиуми политичарите упатуваат навреди од типот клошари, токмаци, мекотели, глодари, неписмени, некрофили, …, кога инсталираат таков воспитно културолошки амбиент во општеството, како сега да ги „масакрираме” младите фудбалери.
Па сепак, еуфоријата од спортскиот успех, не е и не може да биде покритие за неспорските реакции.
За агресивните гадости испеани откако вардаровите фудбалери ја освоија шампионската титула.
Младите вардарови фудбалери годинава го вкусија тронот.
Но на полето на личната културата, вчера го допреа дното.
Се се обрукаа себеси, го посрамотија клубот.
Таква флека Вардар не заслужува.
Сега важното е фудбалерите да си ги изгледаат и добро да си ги ислушаат видео снимките од нивната журка.
Нивното друштво од управата, како авто воспитна мерка за возрасни, да си ги репризираат по неколку пати.
Па, шампиони, по несреќната прослава, по грстот навреди што без промисла ги испеавте, ги истуривте врз битолското ѕвездено чупе, …, јде шампиони сега и едно шампионско извини.
ПС. И најважното, невоспитаните политичари кои од своите високи државни позиции максимално неодговорно во своите јавни настапи промовираат примитивизам, кои упатуваат навреди исти или слични на нотираните од почетокот на текстов, пример да ви бидат – ич.