Собраниската седница за уставните измени ќе продолжи во 16 часот, откако како што се дознава, постигнат е договор, двајцата пратеници на крилото на Беса чиј претсдедател е Биљаљ Касами да гласаат за уставните амандмани.
Договорот е постигнат на денешната средба на премиерот Зоран Заев и претставници на Беса, која предмалку завршила. Како што неофицијално се дознава, договорот е барања на Беса да бидат вградени во закони, а не во Уставот.
Дека е постигнат договор потврди на прес-конференција во Собранието портпаролот на СДСМ, Костадин Костадинов, но рече дека за деталите ќе следува соопштение.
Со ова, владејачкото мнозинство обезбедува 80 гласови за изгласување на уставните амандмани за имплементација на Договорот од Преспа.
Што бараше Беса
За Билал Касами спорно е што со предвиденото во Договорот од Преспа „македонско/граѓани на Р. Северна Македонија“ со албанскиот превод се добива двојно значење и тоа „македонски”, но и „Македонец”.
Придавката „македонско“ при преводот на албански, има поинакво значење, поради тоа Беса предложи амандман, за граѓаните од албанска етничка припадност во државјанствата на македонски јазик да гласи македонско/граѓани на Р. Северна Македонија, а на албански јазик да биде eMaqedonise Veriore и на англиски јазик macedonian/citizen of Republic of North Macedonia.