postscript-um / Толку од поддршката на Косово за Украина

Само не цел ден по заминувањето на Зеленски од Белград по средбата со Вучиќ, политичко Косово ја откажа љубовта и за Зеленски и, засега, и за Украина.

Украина е меѓу државите што не ја признаваат незавсноста на Косово туку исто како и европска Шпанија на пример, еве и по цели триипол декади косовски знаме и химна, не го прифаќаат отцепувањето на Косово од Србија.

Излегува дека знамето украинско во Приштина било само за инает на Вучиќ и Путин.

Ама и излегува и дека за Косово толку била љубовта за од Русија нападната Украина и за жртвите на Украинците во отпорот од агресијата.

За актуелниот косовски политички естаблишмент, украинската болка во миг стана невидлива и поддршката за интегрална Украина, ја стави во ад акта.

Косово и Приштина, ако се фер и фраери, треба веднаш да го вратат украинското знаме каде што беше и гласно да ја вратат поддршката за украинскиот народ, а Косово и косовските фанови треба да разберат дека, во мигов, на Зеленски многу му се потребни принципите на меѓународниот ООН договор за ненасилно менување на државни граници.

Жалното е што актуелно Косово не се препознава во маките на народот на Украина туку се огледува во огледалото на сопствената суета. И дека поддршката за Украина манифестирана со украинакото знаме во центарот на Приштина, боло само пресметливо лицемерие.

Точно е дека Република Косово билатерално ја признаа голем број земји во светот меѓу кои и најмоќните светски дипломатии. И точно е и дека е членка и на бројни меѓународни организации вклучително и на организации основани од самата ООН. Но и овие факти не кореспондират со мултилатералните правни норми утврдени од светската асанблеа што на Косово би му овозможило во ООН да биде регистрирана како држава.

Оттука, независно од глобалното непризнавање на Косово за држава, на Косово му стои перспективата да си продолжи да си ги турка своите развојни европски агенди зашто Украина и Зеленски се најмалку виновните за актуелните косовски фрустрации.