Зголемен е бројот на преставки од граѓани кои реагираат бидејќи полицијата не непревземала мерки во нивните случаи. МВР не постапила по 40 случаи кои сеуште чекаат разрешница.
Народниот правобранител Иџет Мемети обелодени дека бројот на граѓаните кои бараат заштита кај нив постојано расте, а повредите на човековите права се се побројни.
Граѓаните се незадоволни од долгите судски процеси, а значително е зголемен бројот и на преставки кои се однесуваат на работата на извршителите. Минатата година до Народниот правобранител пристигнале вкупно 5220 преставки, од кои 4401 се завршени.
Во 1356 се конастирани повреди на човековите права, некои од нив сеуште се работат. Она што е забележително во последно време е и непочитување на потрошувачките права на граѓаните, а квалитетот на услугите е на ниско ниво.
Голем дел од граѓаните, вели Мемети реагирале бидејќи неможеле да го остварат своето право на инвалидска пензија, многумина не можеле да добијат социјалната помош. Но, она што загрижува е гломазната и нефункционална администрација.
„Јавната администрција не е квалитетен сервис на граѓаните, треба да се надградува и усовршува“ изјави Мемети.
Во извештајот на Народниот правобранител за 2012 година стои дека добиле 32 преставки од граѓани кои се жалеле на дискриминација при вработување, а системот за заштита на правата на децата сеуште е неефикасен.
Половината од преставките кои се однесуваат на правата на децата се однесуваат на нивната злоупотреба во семејството, а 15 проценти од нив на семејно насилство и малтретирање во училиштата.