Православните верници денеска го слават Велигден, кој го сметаат за најголем христијански празник, или Христовото Воскресение, кога според легендата, Исус Христос ја докажал својата божествена моќ и воскреснал од мртвите.
Токму затоа, во честитањето на Велигден се користи фразата Христос Воскресе, а на тоа традицијата налага отпоздравување- Вистина Воскресе!
На полноќ беше објавено воскресувањето во сите храмови на Македонската православна црква, а денеска се одржуваат воскресенски литургиии.
Празникот започнува да се слави од Велики четврток, кога пред изгрејсонце се бојадисуваат (поточно вапцаат) првите црвени велигденски јајца. Велигденското јајце се смета дека е старо колку и Христијанството.
Традицијата потекнува од првиот век по Христа, времето на светите апостоли – христови ученици и нивните наследници.