Пратеникот Крсто Јовановски во својот говор пред Кривичниот суд рече дека утрово приведените учесници во насилствата од 27.април во Собранието, се нелеигитимно приведени од страна на полицијата.
Јовановски рече дека не може да му се суди на пејачот Дурловски, актерот Владо Јовановски, Борис Дамовски за тероризам кога тогашната опоизиција извршувила тероризам избирајќи, како што рече, нелигитимен претседател на Собранието.
Јовановски го повика претседателот Ѓорѓе Иванов со своите механизми да ја исправел грешката а на судиите и полицијата им порача дека слушаат власт која сакала да воведе двојазичност и да го промени името.
Бројот на присутните во овие зимски температури постојано опаѓа. И понатаму од звучници се пушта патриотска музика, додека преостанатите демонстранти се греат на импровизирани огнови. Присутен е се уште и лидерот на ВМРО ДПМНЕ, Никола Груевски.
“Извршителите на политичката хунта нека не слушнат. Тие се во целосна служба на партијата која на власт е дојдена насилно. Си легнавме во Македонија а се разбудивме во Белорусија нели со режим се бореа…Нека знаат дека ќе има отпор. На 27.април и јас бев внатре и бевме да го спречиме државниот удар а не да извршиме. Изборот на Талат Џафери е нелигитимен и народот влезе да го спречи тоа. Ве повикувам сите да го најдете патриотското во вас и да се прислушате меѓу вас, меѓу пријатели и семејство, град по град, сите ќе излеземе на бунт бидејќи овде има полициска хунта. Нема да го признаеме ни судот ни одлуките” – порача во својот говор Филип Петровски.