Вечерва се затвора шеснаесетото издание на Скопскиот филмски фестивал, со премиерното прикажување на рускиот филм „Предавство“ во режија на Кирил Сребреников. Филмот минатата година беше номиниран за наградата „Златен лав“ на Венецискиот филмски фестивал. Во главната улога игра македонскиот актер Дејан Лилиќ.
– Брачното неверство служи како движечка сила во мојата приказна. Ова е филм за скриени емоции и мисли. За работи кои дури немаат ниту име во човечкиот јазик. Отфрливме многу работи од филмот: градот во кој живеат протагонистите, нивните пријатели, нивните непријатели. Секој детаљ ја покажува истата тема – жестоката желба на протагонистите да не останат сами во нивниот инстиктивен копнеж да сакаат некого, изјави Сребреников, кој освен режисер е автор и сценарист на филмот