Тимот стручњаци на ОН ја прекина истрагата за наводните напади со хемиско оружје во Сирија, после само неколку часа затоа што врз нив бил отворен снајперски оган, соопшти ОН.
Истрагата започна утрово по неколку дена неизвесност и остра реторика на светските лидери.
Известувачите од Дамаск јавија дека инсспекторите тргнале во конвој од седум возила, во придружба на сириското обезбедеување.
„На првото возило на истражувачкиот тим на ОН повеќе пати е пукано од страна неидентификувани снајперисти, истакна портпаролот на ОН, Мартин Несирски и додаде дека никој не е повреден, но возилото е оштетено“, пренесе агенцијата АFP.
Независните експерти по повод одлагањето на истрагата претходно предупредија дека времето за утврдување на вистината истекува.
Сириската опозиција тврди дека режимот на претседателот Башар Ал Асад во нападите на 21 август со хемиско оружје усмртиле над 1.700 луѓе, ова го демантираше официјален Дамаск.
Од САД и ЕУ последните денови стигнуваат остри изјави дека се подготвени да интервенираат од воздух покрај ОН, според моделот на бомбардирањето на Југославија во 1999 година.
Претседателот на Сирија, Асад денеска на заканите одговори дека „САД ќе доживеат пораз ако ја нападнат Сирија, исто како и во многуте војни кои ги водеа, започнувајќи од Виетнам“.