Кривичниот суд денеска попладнево соопшти дека распитот за случајот „Тврдина“ е прекинат поради барањето за изземање на судијата на претходна постапка од страна на Специјалното јавно обвинитлство“. Но, Горан Грујовски сепак ќе се појави во 14 30 на распит бидејќи според судот предлогот за изземање не се однесувал и на тој аспект од случајот.
„Судијата на претходна постапка пред да заврши со распитот на еден од повиканите лица по повод предлогот поднесен од страна на Јавното обвинителство за гонење на кривични дела кои се поврзани и произлегуваат од содржината на незаконското следење на комуникации (СЈО) во јавноста познат како „Тврдина“ примил барање за негово изземање од страна на обвинителот кој постапува во истиот предмет, со тоа судијата го прекинал сослушувањето на повиканите лица. Судијата на претходна постапка откако ќе ги комплетира списите на предметот заедно со барањето ќе ги достави до претседателот на судот кој во рок од три дена треба да одлучи по однос на барањето за изземањето на судијата.“
СЈО бара изземање на Александар Поп Стефанија од случајот „Тврдина“ поради партиските врски на нејзиниот сопруг со ВМРО ДПМНЕ.