Во пресрет на се понагласената борба на ЛГБТ популацијата во Република Македонија, во одбрана на човековите права, на социјалните мрежи се појави група со навредливи коментари, која организира групен собир наречен „КОНТРА-гејПАРАДА“.
Повикувајќи се на верата како главен фактор кој не дозволува исто-полови односи, повикот на групата гласи:
„Несмееме да дозволиме во нашево Скопје, во нашата МАКЕДОНИЈА да се шета кортео од гејови и лезбејки. Во ниеден случај нетреба да дозволиме тие бесрамно да искочат и грозоморно да се допираат, бакнуваат и да прават други гадни работи пред очите на нас верниците, пред очите на малите деца, пред очите на старите пензионери кој мислат дека оставиле зрела иднина позади себе.
Несмееме да дозволиме тие да влезат во свет божји храм, да застанат пред олтар и да си го кажат судбоносното “да” – еден на друг или една на друга.
Несмееме да дозволиме некое мало невино дете да има две мајки за родители или пак двајца татковци.
.jpg)
КОЈ СЕ ТИЕ ДА ОДАТ ПРОТИВ БОЖЈАТА ВОЉА!?
КОЈ СЕ ТИЕ ДА ГИ МЕНУВААТ ЗАКОНИТЕ НА ПРИРОДАТА!?
Ако сакаме да бидеме модерна земја, примена во ЕУ и НАТО незначи дека треба да одиме против верата и против природата “.
Локацијата на евентуалниот собир е пресветиот скопски соборен храм „св. Климент Охридски“ од 14:00 часот.
Организацијата која го креира настанот потпишана како „Еден татко, една мајка“ повикуваат на марш од Соборниот храм кон Собранието се до плоштадот „MAKEДОНИЈА“ – Скопје.