Таткото на градоначалникот на Кавадарци Петар Панов, денеска повторно физички и вербално ги нападнал браќата Методиј и Панчо Милкови, иако е осуден на четири месеци условна казна бидејќи во декември 2013 година му нанел тешка телесна повреда на неговиот сограѓанин Методи, тврдат за НОВА Милкови. Според објаснувањето на Методи тие биле нападнати денеска на пладне во моментот кога на градскиот плоштад се одржувала манифестација по повод денот на шегата 1-ви април, пред околу 2000 луѓе, од кои најмногу деца.
„Петар Панов започна да вика по нас како сме смееле да зборуваме против ВМРО ДПМНЕ и Груевски. Не нападна со клоци, почна да ни удира шлаканици, по што интервенираше полицијата. Униформираните полицајци кои се најдоа тука го фатија и го однесоа во полициска станица каде што изјави дадовме и ние. Се се случуваше пред очите на децата и насобраните граѓани“, раскажува за НОВА Методиј Милков.
Од друга страна, од СВР Велес тврдат дека во полицискиот бележник стои дека браќата Милкови биле тие што нападнале.
„Околу 12 часот пред Стопанска банка двјацата браќа М.М(роден 1944 г.) и П.М (1950 г.)физички го нападнале П.П(1946 г.), му се нафрлиле и го собориле на земја по што интервенирала полицијата. Во 14.45 браќата се пуштени дома и поради физички напад против нив ќе биде поднесено барање за поведување на прекршочна пријава„изјавоз а НОВА Анита Стојковска портпарол на СВР Велес.
Стојковска потенцира дека имало сведоци, односно очевидци на настанот и полициски службеници кои виделе што се случува.
Тензиите и расправиите межу браќата Милкови и таткото на градоначалникот на Кавадарци датираат уште од порано, но од пред две-три години интервенираат полицијата и судот.
.jpg)
Таткото на кавадаречкиот градоначалник Александар Панов, Петар, во јули минатата година беше осуден на условна казна од четири месеци затвор.
На него Методи Милков му поднесе тужба за нанесување на тешка телесна повреда, кога во декември 2013 -та година прво го претепал со дршка од пиштол, а потоа со пиштол му се заканувал и на неговиот брат Панче. Браќата изјавија дека не се задоволни од пресудата и најавија жалба до Апелациониот суд.
-Не сме задоволни, ова е преблага казна за ваква повреда. Сметам дека Судот е пристрасен, изјави тогаш за НОВА Панче Милков.
Браќата Милкови тврдат дека ова не е првпат таткото на градоначалникот да се обидува да се пресмета со нив, откако е осуден на условна затворска казна, но велат никој од надлежните не превзема мерки. Двајцата браќа Милкови, се едни од основачите на ВМРО ДПМНЕ во Кавадарци.
„Јас и мојот брат сме едни од основачите на ВМРО ДПМНЕ, со членски книшки од 1990 година. Но, во последно време не се согласуваме со политиката на власта, која ги раскара и подели луѓето. Тоа често и го кажувам на трибините кои ги организира ВМРО ДПМНЕ во мојот град. Но, тоа не им се допаѓа на актуелниот градоначалник и на неговиот татко, па на ваков начин ни се реваншираат и мене и на брат ми, вели Методиј Милков.