Претреси на локации во Скопје за обезбедување докази за проневера во службата и несовесно работење во СОЗР

Основното јавно обвинителство Скопје заедно со Управата за финансиска полиција врши претреси на локации во Скопје за обезбедување докази за кривични дела проневера во службата и несовесно работење во Службата за општи и заеднички работи – СОЗР.

ОЈО Скопје заедно со Управата за финансиска полиција презема дејствија за обезбедување докази во предмет за кривични дела примање поткуп, давање поткуп, проневера во службата и несовесно работење. Во тек се претреси на локации во Скопје, за што е обезбедена наредба на судија на претходна постапка, а се преземаат и други дејствија, информираат од ЈОРСМ.

Претходно, дел од медиумите, веќе објавија дека е приведен екс директорот на СОЗР Пецо Мирчевски и дека се вршат претреси во неговиот дом.