Претседателски избори 2024

Вчера, на вториот ден од кампањата за претседателските избори, првиот круг е закажан за 24-ти овој месец, кандидатите во повеќе регионални урбани и рурални средини прошетаа по државата на митинзи и на средби со гласачите.

По ред според гласачкото ливче:

Стево Пендаровски во Штип, Гордана Силјановска во Струга, Стевчо Јакимовски во Гостивар, Бујар Османи во Скопје, Билјана Ванковска во Штип, Арбен Таравари во Дебар и Максим Димитриевски во Делчево.

Стево Пендаровски:

• Јасно е оти  Македонија е можна само како демократска и просперитетна држава ако ги чува витални и ги одржува живи двата стратешки континуитети: евро-атланските интеграции и меѓу етничките односи. Тие се клучни за државата.
• Во изминатите пет години зад моето име нема ниту една криминална афера, ниту еден случај на корупција, на провизии или на наместени тендери.
• И во наредните пет години ќе продолам да работи за плата, а не за проценти, ќе продолжи со еднаквиот третман кон сите луѓе независно на кој народ му припаѓаат или за која партија гласаат.
• Секогаш ќе ги почитувам младите и нивниот успех, а ќе им помагам и на понижените да добијат човечки третман, таму каде што живеат.
• Како национален координатор за НАТО во 2018 година ги водев преговорите за членство во Алијансата со што долгорочно е осигуран опстанокот на државата.
• Ја подржв преговарачката рамка за влез во ЕУ со којашто не само што се започнати преговорите по 18 години туку договорено е со Брисел македонскиот јазик да биде еден од официјалните јазици на ЕУ.
• Во септември минатата година го потпишавме договорот со Фронтекс, европската агенција која се грижи т.н Шенгенски граници на англиски и на македонски јазик. Поголем доказ од тоа дека ние сме тие која ја штитат македонштината нема, а тие работат против таа кауза.
• Сегашната опозиција била 11 година на власт и  не се памети дека имаат донесено една тешка одлука за државата, а токму преку носење на стратешки одлуки се остваруваат националните интереси, но се губи рејтингот.
• Актуелната опозиција и тогаш и денес била заинтересирани само за власт и пари.
• Јас сум против поделбата на луѓето по било која основа, додека опозицијата дели на наши и ваши, патриоти и предавници  и затоа на овие избори со масовно гласање граѓаните треба да ја одбијат оваа понуда од опозицијата.
• По изборите нужно е да се направи целосен ветинг на сидиите, обвинителите, но и на политичарите. И тоа на сите кои намерно држеа предмети во своите фиоки или не можат да докажат како од плата станале милионери и тие треба да бидат разрешени од функциите и да лежат во затвор, а не да делат правда или да конкурираат за политичка функција.
• Македонската јавност е сведок дека како Претседател пет години во континуитет јавно ги осудувам грешките на сите коишто ги кршеа законите, вклучувајќи ги и оние кои ме поддржуваа.

 Гордана Силјановска Давкова:

• Ќе бидеме горди на Македонија, ако имаме држава стандардна, средена, втемелена во владеењето на правото
• Градот, но и во државата, народот може да живее од туризам и култура, односно културен туризам.
• Посочувајќи го примерот дека Европската унија доделува годишно по 10 награди на најуспешни писатели од земји членки во Унијата, но и дека од Македонија има тројца такви добитници, иако не сме членка, треба да ја славиме уметноста и да се насочиме кон културата.
• За мали држави образованието, спортот, науката и културата ќе ве направат големи, особено ако развивате и културна дипломатија, ако развивате економска дипломатија.
• Моето искуство надвор, во Венецијанската комисија и во Советот на Европа налагаат поинаков однос кон мене кога ќе кажам дека ја претставувам мојата Македонија, вашата Македонија. Твојата Македонија да си ја повратиме.
• Претседателската функција ќе ја направам пристојна и одоговрна, функција што ќе ја претстави Македонија како горда и Европска држава.
• Ќе бидеме горди на Македонија и на Струга, ако имаме држава која е стандардна, средена, втемелена во владеењето на правото.
• Ќе ги амнестирам осудените од 27-ми април, а правна држава не може да се гради со, според неа, администрација преполнета со партиски послушници и политички војници.
• Во Уставниот суд треба да седат двајца судии или две судијки, предложени од претседателот, односно од претседателката и тие треба да бидат врвот во правната професија,

Стевчо Јакимовси:

• Најголемата мака е иселувањето и како што напомена тоа е заради, поради лошите политики на досегапните владеjачки гарнитури.
• Причината за масовниот егзодус е поради полтронскoтo однесување на функционерите не водејќи сметка за својата туку за туѓите држави.
• Кандидат сум на граѓаните, а не продолжена рака на партиите.
• Претседателските кандидати бегаат од дебати. Тоа е голем срам за демократијата. Народот мора да ги слушне нивните ставови околу суштинските прашања за државата.

 Бујар Османи:

• Сега е важен моментум Северна Македонија да исчекори кон  полноправно членство во Европската Унија.
• На оваа дебата на тема “Членството на Северна Македонија во ЕУ до 2030 година“ ве уверувам дека железната врата на Унијата е отворена и е неопходно е земјата да ги усвои уставните измени што побрзо.

Билјана Ванковска:

• Сама против шестминa.
• Првиот чекор кој ќе го направам е раскинување на Договорот за добрососедство со Република Бугарија.
• Граѓаните не само што сиромаштијата туку ги боли и националното.
• Одење по една патека која не води никаде освен во бездна, бара конечно радикално решение, прекин на досегашните политики и практики.

Арбен Таравари:

• На 9-ти Мај – Денот на Европа, ќе имаме, „влада 3“ во која нема да бидат двете партии кои се сега на власт, а тоа се, СДСМ и ДУИ. За еден месец заминуваат во пензија, време им е да одат во опозиција.
• Во текот на кампањата нема да ја споменувам ДУИ, туку ќе ја презентирам мојата платформа.
• Овде во Дебар одлучив да зборувам за Уставот кој е еден од четирите столба на мојата платформа.
• Охридскиот договор никогаш целосно не се имплементира. И ден денес главниот столб на Охрискиот договор не е исполнет, а тоа е фискалната децентрализација.
• Кога ќе се одлучи да се внесат Бугарите во Уставот, „Вреди“ во новата влада ќе го постави условот за бришење на 20 отсто за употреба на албанскиот јазик.
• Македонија е парламентарна демократија, и дека надлежностите на претседателот се исто како на претседателот на Косово, Албанија, Грција, Германија, но во овие држави претседателот го избира парламенот.
• Нашиот услов е претседателот да се избира со 2/3 мнозинство и секако со Бадинтер.  Доколку не се избере во два круга, третиот круг треба да се оди со мнозинство гласови, што значи 61 пратеник, но повторно со Бадинтер.
• Мојата кампањата ја каратеризираат три главни збора: обединување, промени и вреди.

Максим Димитриевски:

• Не се сите исти. Ги охрабрувам граѓаните да обрнат внимание, да ги анализираат сите понуди од сите кандидати и на крајот да донесат одлука.
• Гласачите да излезат масовно на избори, да се одважат и својата поддршка да ја дадат на оној кандидат за кој што сметаат дека ја заслужува.
• Сум работел, работам и ќе продолжам да работам за граѓаните и сметам дека може работите да ги вратиме во нормала  бидејќи во моментов живееме во едно зависно друштво кое што е зависно и заложник на политички субјекти, партии кои што се менуваат од година во година.